QTOF–MS (Quadrupole Time-of-Flight Mass Spectrometer) нь өнөөдөр дэлхийн шинжлэх ухаан, аналитик хими, биотехнологи, эмийн судалгааны салбаруудын хамгийн өндөр түвшний багажийн нэг гэж үнэлэгддэг.

Биологийн хүрээлэнд суурилуулагдсан энэхүү аппаратыг товч тайлбарлавал:

1. Infinity III HPLC + QTOF-MS (3-р үеийн) – Ахисан төвшний молекулын шинжилгээ Монголд

Биологийн хүрээлэнд Agilent брендийн Infinity III HPLC-тэй хосолсон QTOF масс спектрометрийн (MS) иж бүрдлийг амжилттай суурилуулж, тогтворжуулалт болон иж бүрэн сургалтыг хийж, хүлээлгэн өглөө.
Энэхүү ажлыг олон улсын мэргэжилтэн, Медимпекс Интернэшнл компанийн брэнд инженерүүд болон Инно лабораторийн мэргэжилтнүүд хамтран өндөр түвшинд зохион байгуулсан нь онцлог байв.

QTOF-MS нь:

•  - Органик нэгдлийн бүрэлдэхүүн, бүтэц, изомер ялгалтыг тодорхойлох
• -  Хүнс, эм, хүрээлэн буй орчны шинжилгээнд comprehensive profiling / discovery хийх
• -  Full Scan + AutoMS горимд нэг гүйлтээр мянга мянган бодис тодорхойлох  боломжтой ахисан түвшний өндөр нарийвчлалтай детектор юм. 

Жишээ болговол:
• Цейлон цай – 2000–2500 органик нэгдэл
• Зөгийн бал – 200–400 төрлийн молекул

Эдгээр нэгдлүүдийг нэг л шинжилгээгээр бүрэн гаргаж, MASS Hunter Explorer программ дээр PCA, Cluster analysis, ANOVA, Unique characteristic зэрэг статистикийн боловсруулалт хийх боломжтой.

Мөн усны судалгаанд Туул голын эх болон Цэвэрлэх байгууламжийн дараах хэсгийн дээжүүдийг харьцуулснаар ** экологийн гаралтай органик бохирдлын fingerprint**-ийг илрүүлэх боломжтой нь манай улсын судалгаа шинжилгээний хувьд шинэ боломжийг нээж байна.

2. Bioconfirm – Биомолекулын шинжлэх ухааны дэвшилтэт платформ

QTOF-MS-ийн Bioconfirm модуль нь:

• - Олигонуклеотид
• - Бүтэн уураг
• - Пептидийн зураглал
• - Гликаны профайлинг зэрэг биомолекулын бүтцийг өндөр нарийвчлалтай тодорхойлох боломжийг олгодог бөгөөд өндөр түвшний судалгааны ажилд зориулагдсан программ хангамж юм. 

Монгол улсын шинжлэх ухааны хөгжил, дэвшилд бодитой хөрөнгө оруулалт хийж, олон улсын түвшний өндөр нарийвчлалтай тоног төхөөрөмжийг өөрийн оронд нэвтрүүлэх үйлсийг санаачлан хэрэгжүүлж буй хэрэглэгч, хамтрагч байгууллагууддаа гүн талархал илэрхийлье.

Цаашдын судалгаа, инновацын үнэ цэнтэй бүх ажилд тань өндөр амжилт хүсье.
Бид эрдэм шинжилгээ, лабораторийн салбарын хөгжилд хамтдаа хувь нэмэр оруулсаар байх болно.